<?xml version="1.0" encoding="UTF-8"?><song><author>L. F.</author>
<aka>The Cross and Trials</aka>
<title>Iti 'taiyukʋna yokʋt ƲIT147</title>
<lyrics>[V1]
 Iti 'taiyukʋna yokʋt
 Nan isht ʋm achukma yoke
 Na̱ palʋmmi ʋt Chisʋs a̱
 Bili̱ka sʋsht ona yoke.

[V2]
 Abeka palʋmmi hokʋt
 Chisʋs a̱ sʋthʋnanchishke;
 Sa kashoffi bʋnna hoka,
 Isht akostininchi lishke.

[V3]
 Sa chu̱kʋsh ʋt kʋllo fehna,
 Ʋm anukfila mʋt kʋllo:
 Yʋmmak osh yobihinchishke:
 Ik sa̱ hullokmʋt, yohma wa.

[V4]
 Na̱ palʋmmi ak peso hosh,
 Fʋma kia ik sʋm iksho;
 Yohmi hosh a̱ya li hokmʋt,
 Kanchi yo̱, ohmi li hoke.

[V5]
 Chihowa hokʋt i̱ hullo
 Hokmak osh faha̱mmi chatuk;
 Sa kanchi pulla hokmak osh,
 Sa fʋmmit issa hinlʋshke.

[V6]
 Na̱ hotupa palʋmmi ka
 Pihi̱sa pulla hokmak osh,
 Kostinit, Klaist a̱ hoho̱yot
 Yakni i̱ filʋmmi hoke.

[V7]
 Anumpa ilbʋsha kia
 I̱ shahlit anumpohonli;
 Klaist im anumpa mʋt i̱ shaht
 Anukfoka chatuk oke.</lyrics>
<time_sig>L.M. (8.8.8.8.)</time_sig>
<hymn_number>147</hymn_number>
</song>